Nepal Beat
Login
Nepal Beat © 2026. सर्वाधिकार सुरक्षित।

मौसमी छिचिमिरासँग डराउनु पर्दैन : अध्यक्ष ओली

NepalBeat
NepalBeat ७ घण्टा अगाडि

काठमाडौँ –  नेकपा (एमाले) अध्यक्ष केपी शर्मा ओलीले राष्ट्रिय स्वतन्त्र पार्टी (रास्वपा) लगायतका नयाँ दललाई मौसमी छिचिमिराको संज्ञा दिँदै उनीहरूसँग डराउन नहुने टिप्पणी गरेका छन्।

एमालेको राष्ट्रिय भेलाको दोस्रो दिनको कार्यक्रमलाई सम्बोधन गर्दै अध्यक्ष ओलीले निर्वाचन पूर्व भएका ध्वंस, आक्रमणका कारण एमालेलाई प्रतिरक्षात्मक बनाएको बताए। ‘हामी सरकारबाट अपदस्त हुँदाको अवस्थाको विश्लेषण नगरिक राजनीति हुँदैन,’ अध्यक्ष ओलीले भने, ‘राजनीति बुझ्नका लागि हाम्रो सरकार विस्थापनका लागि बनाइएको वातावरण बुझ्नु पर्दछ। त्यति नबुझी राजनीति बुझिँदैन।’

उनले प्राविधिक कुरालाई मात्र देखाएर एमालेको आन्तरिक कमजोरीकै कारण एमालेको सरकारलाई बिस्थापन भयो भनेर बुझ्नु नहुने बताए। ‘अल्गोदिम लगाएर, सामाजिक सञ्जालका माध्यमबाट हामीलाई जनताबाट टाढा पुर्‍याइयो,’ अध्यक्ष ओलीले भने, ‘हामीप्रति घृणा फैलाएर, अनावश्यक ढंगले सुरक्षा निकायको संलग्नता गराएर एमालेलाई निर्वाचनमा पराजित गराइयो।’

अध्यक्ष ओलीले मौसमी छिचिमिरासँग कोही पनि डराउनु नहुने बताए। ‘बर्खायाममा निस्कने छिचिमिराको आयु लामो हुदैन। यस्ता छिचिमिरा घरको छानामा नपुग्दै कतिपयलाई चराले खाइदिन्छ। कतिपय आफैं भूइँमा झर्छन्,’ अध्यक्ष ओलीले भने, ‘यस्ता प्रवृति विरुद्ध लड्ने र विजय हासिल गर्ने कामको नेतृत्व एमालेले गर्छ।’

अध्यक्ष ओलीले समाजलाई सबै भ्रमबाट मुक्त गर्ने कामको अगुवाई एमालेले गर्ने बताए। ‘अब समाजलाई निराशाको अवश्थाबाट बाहिर निकालेर पुनर्जागरण गराउने कामको नेतृत्व एमालेले गर्दछ,’ उनले भने।

 

NepalBeat

NepalBeat

नेपालबीट संवाददाता
लेखकका सबै समाचार

नेपालबीटको खोजमूलक, राजनीतिक, आर्थिक तथा सामाजिक विषयमा निरन्तर स्थलगत रिपोर्टिङ र तथ्यपरक समाचार विश्लेषण।

पाठक प्रतिक्रिया (०)

प्रतिक्रिया पठाउनुहोस्

Your email address will not be published. Required fields are marked *