स्थानीय उत्पादनबाटै वार्षिक लाखौँ आम्दानी गर्दै कर्णालीका अगुवा कृषक मानबहादुर

दैलेख। वैदेशिक रोजगारको सिलसिलामा ५ वर्ष खाडी मुलुकमा बिताएर फर्किएका मानबहादुर शाहीले आफ्नै गाउँमा सुरु गरेको व्यवसायिक ओखर र स्याउ खेती अहिले सिंगो जिल्लाकै लागि प्रेरणाको स्रोत बनेको छ।

सुरुमा सामान्य लगानीबाट सुरु गरिएको फलफूल फर्ममा अहिले १५ सयभन्दा बढी उन्नत जातका ओखर र स्याउका बोटहरू फलिरहेका छन्। वार्षिक १५ लाखभन्दा बढी खुद आम्दानी गर्दै आएका मानबहादुरले स्थानीय ४ जना युवाहरूलाई प्रत्यक्ष रोजगारी समेत दिएका छन्।